Korrika ez da euskara sustatzeko ekinbidea soilik, AEKrentzako finantza iturri ere bada, eta aurten ekarpen hori gabe geratzea kolpe itzela da.
Ekitaldiez gain, Euskal Herriko hiru administrazioei ere gutun bana bidaliko die AEK-k apirilean. Duela 55 urte Rikardo Arregik Euskaltzaindiari helarazi zion gutunaren oinarria gogoratu du Alizia Iibarren AEKko koordinatzaileak. Orduko hartan, helduen alfabetatzearen eta euskalduntzearen garrantziaz ohartarazi zion Arregik akademiari, eta arlo hori sustatzeko premia nabarmendu. Gutun hori ardatz hartuta, hiru erakundeei gogoraraziko die AEK-k euskalduntze prozesuaren normalizazioan urratsak egiteko garaia dela.
