"Andrezaharraren manifestua" lanaren egilearekin topaketa eginen da Iruñean

Mari Luz Esteban. Arg: Karlos Corbella (Emakundearentzat)

Astearte honetan Mari Luz Esteban antropologoa, medikua eta idazle feminista hizlari arituko da Iruñean, Andrezaharraen manifestua bere liburuaren inguruan. Nafar Ateneoaren Joxe Miel Bidador poesia taldeak antolatutako saioa izanen da hau eta Internet bidez jarraitu ahal izanen da 19:00etatik aurrera esteka honetan: https://meet.jit.si/JoxeMielBidadorPoesiaTaldea

Hilean behin biltzen da talde hau Ateneoaren egoitzan euskarazko poesia jorratzeko asmoz. Gaurko bilkura, ordea, ezohiko tokian eginen dute:  Emakumeen Etxean, laster ospatuko den Emakumeen eguna dela eta. Arratsaldeko 19.00etan hasiko den saio honetara zeuden toki guztiak hartuak dira jada, baina bilera internet bidez jarraitu ahal izanen da.