Alde Zaharreko Osasun Etxean ia bi hilabete eman dituzte pediatrarik gabe. Hori dela eta, osasun zentrora jotzen duten umeek erizainek baino ezin zituzten artatu eta, beharra ikusiz gero, San Martin zentroko larrialdietara bideratzen zituzte
Hori dela eta, AZ Ekimeneko osasun etxearen defentsarako taldeak bultzatuta, urtarrilean sinadura bilketa egin zuten, eta 475 instantzia entregatu zituzten Osasunbidean. Alde Zaharreko eta Lehen Zabalguneko haurren beharretara egokitutako irtenbide justua eskatzen zuten.
Langile faltarekin batera, sinatzaileek eskatzen zuten osasun etxean sartzeko dauden arkitektura oztopoak kentzeko lanak egin ditzatela, horretarako Kaldereria kaleko sarrera prestatu dezaten. Lanak 2020ko urrian martxan jarri behar zituzten, Osasun Etxearen defentsarako lantaldeari jakinarazi ziotenez, baina oraindik ez dituzte hasi.
Gaur jakinarazi du AZ Ekimena taldeak eskaerek erantzuna izan dutela, eta pediatra lortu dutela. Eskerrak eman dizkiote kanpainan parte hartu duen jendeari.
