Etenaldi horretan ez da onartuko joko areto, bingo edo apustu lokal berriak ustiatzeko baimenik edo eskabiderik. Baimenen bideragarritasunari buruzko aurretiazko kontsulten ebazpenik ere ez da emango, ezta baimen berririk ere joko makinak eta apustu makinak instalatzeko, salbu eta horrek ostalaritzako lokalaren titulartasuna aldatzea eragiten badu.
EH Bilduk abiatu zuen ekinbidea udalean, eta 2019an Tokiko Gobernu Batzarrak obra eta irekiera lizentzien tramitazioa urtebetez etetea erabaki zuen, 2020ko azarora arte. Bertan behera uzteko argudioa izan zen Iruñean mota horretako establezimenduak ugaritzen ari zirela, jokoak mendekotasuna sortzen duela, eta lokal horien araudi berria egin behar zela.