Karlos Apeztegia Jaka preso iruindarra Ocañako espetxetik Iruñekora hurbildu dute. Espainiako Barne Ministerioak beste bost euskal preso politiko hurbildu ditu Euskal Herritik gertu dauden espetxeetara: Manex Castro, Imanol Inziarte, Jon Crespo, Jon Etxeberria eta Manex Zubiaga.
Gaur egun Iruñeko espetxean lau euskal preso daude: Karlos Apeztegia Jaka, Josetxo Arizkuren Ruíz, Xabier Pérez Aldunate eta José Ramada Estevez. Horiez gain, Espainiako Barne Ministerioak iragarri du Olga Comes eta Josune Arriaga ere hurbilduko dituela.