Estilo ezberdineko bederatzi abesti dira, Angel Ocray eta Jolis Muñozen ukitu flamenkoetatik hasi eta Dj Göoren esentzia elektronikora arte. Bederatzi istorio musikal, Iruñeko Kondestable Jauregiko areto gotikoan sortutako giro intimo eta abegikorretik hasita, Gabonetako istorioak edo pandemia garaian azaleratzen ari diren emozio eta sentimenduei buruzko gogoeta soinudunak kontatzen dituztenak. Bideoklip guztiak http://www.pamplosound.es webgunean daude eskuragarri.
'PamploSound 'online jaialdiaren helburua "hiriak dituen musika eta potentzial artistikoa modu erakargarrian erakutsi ahal izatea da, eta, horien bidez, iruindarrak animatzen eta hunkitzen saiatzea, pandemia batean ohikoak ez diren Gabonetan", Udalak jakitera eman duenez.
Hasiera-hasieratik, ekimen honetan parte hartu duten artistek helburu horiek bere egin zituzten, eta kantuekin edo beste talde batzuetako musikariekin batera hasi ziren gaiak lantzen. Horrela, azken emaitza bat lortu da, soinu- eta ikus-kalitate handikoa, non artista bakoitzaren aurpegi desberdina ikus daitekeen, norberaren estiloaz eta jarraitzaileengana iristen den ikuspegi pertsonalaz harago, Udalak gaineratu duenez.
Online jaialdi akustikoa osatzen duten bederatzi kantak eskuragarri daude dagoeneko, jaialdiaren webgunean. PamploSound.es eta Youtubeko, Facebookeko eta Instagrameko@PamplonaEsKultura sare sozialen profiletan, elkarrizketak, making off-aren uneak eta artisten hausnarketa interesgarriak ere azalduko dituzte.
