Biba Ardoak Euskal Herri osoko mahastizainak biltzen dituen salmenta eta banaketa kooperatiba bat da, ardo kultura berri bat sortu nahi duena, bizia, mahastietatik elikadura burujabetzan aurrera egiteko, komunitatea sendotzeko, eskualdeak eta inguru naturala babestuz.
Krisia iritsita, lankidetzaren beharra ikusi dute, zubiak eraikitzekoa, eta kasu honetan, Katakrak-ekin bat egin dute, landa eremua eta hiri batzeko xedez, eta kultura, kontzientzia kritikoa eta elikadura burujabetza uztartzeko asmoz.
Ardoteka proiektuarekin, Katakrakek eta Biba Ardoak-ek hainbat jarduera antolatzeko asmoa dute; lehen ekitaldian, esaterako, ardoa eta literaturaren arteko lotura aztertuko dute; baina oraingoz ez dute data zehaztu. Izan ere, egoeraren arabera egokituz joango dira egitaraua, eta aurki emango dituzte xehetasun gehiago.
