Euskarazko haur eskolak Iruñea iparraldean daudela salatzeko kexak aurkeztuko dituzte

Euskalerria Irratia 2020ko aza. 17a, 17:24

'HE Gurasoak' plataformak adierazi duenez, "geografikoki baztertuak" izaten ari dira: "Argi dago ez ditugula beste hizkuntza eredu bat nahi duten familien eskubide berdinak".

Haur eskoletan euskararen eskaintza handiagoa eskatzen duten familiak biltzen dituen 'HE Gurasoak' plataformak kexak aurkeztuko ditu Nafarroako Gobernuko Hezkuntza Departamentuan, egungo euskarazko plazen eskaintza, bai departamentuarena bai Iruñeko Udalarena, "kopuruan urria izateaz gain, Iruñeko iparraldeko auzoetan baztertuta" dagoela iritzita.

Plataformaren arabera, "familia bakoitzaren auzoan ez bada, ezin zaigu ukatu ondoko auzoan euskarazko aukera izatea". "Arartekoak behin baino gehiagotan aipatu duen hurbiltasun printzipioa bete behar da", aldarrikatu dut ohar batean.

Egoera horretan, plataformak datozen asteetan bilerak egingo ditu Iruñeko Udaleko eta Nafarroako Gobernuko haur eskolen kudeaketaren arduradunekin. Adierazi duenez, "kasu batzuetan gaztelaniazko ereduko haur gehienek gutxienez guraso euskaldun bat dute, eta gaztelaniazko ereduetara jo behar izan dute hurbiltasun, kontziliazio eta beste zailtasun batzuengatik".

 

EUSKALERRIA IRRATIAzale hori:

FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.

Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.

Izan ere, zenbat eta komunitate handiagoa, orduan eta proiektu komunikatibo eraginkorragoa.


Bazkidetu zaitez!