Erorien kriptan egiten diren meza frankistak katedralean egiteko artzapezpikuaren nahiaren inguruko kexa azaltzeko adierazpena eztabaidagai izan dute gaur presidentzia batzordean. EH Bilduk, PSNk eta Geroa Baik baiezko bozka eman diote. Navarra Sumak, berriz, ezezkoa. "Meza frankistarik ez da egiten, meza frankistak egitea legearen kontrakoa delako". Hitz horiekin argudiatu du koalizioaren jarrera Maria Etxabarri Navarra Sumako zinegotziak
Eskuineko koalizioak estaen duenaren kontra, meza frankistak hilabete guztietako 19. egunean egiten dira. EH Bilduko Eva Aranguren zinegotziak leporatu dienez, "berriz ere Navarra Suma, UPN, PP eta Ciudadanos, egungo bizirik dirauen frankismoari aurpegia zuritzen" ari dira. Fankismoarekiko lokarriak asketzeko garaia dela aldarrikatu du koalizio abertzaleak.
Udalaren gehiengoak onarturiko adierazpenean, meza hauen kontra azaltzeaz gain, Iruñeko Udalak, meza hauek katedralera eramateko eskaintzarekin desados dagoela, artzapezpikuari helaraztea erabaki da.
