Ixiar Rozasek ‘Unisonoa’ lana aurkeztuko du gaur, Katakraken


Lerro bakarreko poesia liburu batek eta hamabi musika piezak osatzen dute.

Lasarte-Oriako idazlea lan berezi batekin itzuli da plaza publikora: lerro bakarreko poesia liburua da Unisonoa, orriz orri luzatzen dena, eta hamabi piezarekin osatu duena. Maite Arroitajauregi, Rafael Martinez del Pozo, IbonRG eta Ainara LeGardon musikariekin osatu ditu.

Urteak eman ditu lan honen sortze prozesuan Rozasek; orain, Pamiela etxearekin argitaratu du, eta Katakraken aurkeztuko du gaur, 19:00etan.