Esku hartze sozialaren sektoreko langileek salatu dute haien egoera "oso prekarioa" dela; haien lana ezinbestekoa den arren, eta kualifikazio handia eskatzen zaien arren, ez dituztela baldintza duinak. Bi lanuztera deitu dute, eta jarraipen handia izan dutela jakinarazi du LAB sindikatuak. Nafarroako Gobernua, hitzarmena finantzatzeari uko egineten ari dela salatu dute parlamentuaren aurrean, eta politikariei zuzendu zaizkie, aurrekontu sozial batzuk eskatzeko.
ANEIS patronala, bestetik, sektoreko beste inongo hitzarmenetan ez dauden baldintzak eskatzen dituela diote, eta horiek alde batera uzteko exijitu diote. Borroka eta mobilizazio egun hauetan "une txarrak" ere pasatzen ari direla onartzen duten arren, indarrez beteta daudela, gero eta gehiago direla eta kontzientziatuta daudela nabarmendu dute.
