Ospatzeko ezer ez lelopean, urriaren 12an, hainbat ekintzailek Cristobal Colonen eskultura bat eta Espainiako erregearen beste bat jarri zituzten Nafarroako Gobernuaren aurrean eta ondoren soka baten bitartez horiek eraitsi zituezten. Ekintza horretan parte hartzea egotzita 16 lagun deklaratzera ditu ditu Espainiako Poliziak, eta gaur igaro dira poliziak Iruñean duen egoitzatik.
Mujeres del Maíz nikaraguar elkartearen, Africa United elkartearen, Comlando Raíces ekuadortar jatorriko dantza taldearen, Munata komunitate boliviarraren kultur elkartearen eta Sorturen artean egindako jarduera izan zen. Espainiako eta Nafarroako eskuineko hainbat alderdik eta hedabideek gaitzetsi egin zuten ekintza.
Sortuk "kriminalizazioa" salatu du eta "78ko Erregimenak abiatu berri duen diligentzia hau adierazpen- eta mobilizazio-askatasunaren aurkako erasoa" dela adierazi du ohar bidez: "Egun horretan salatu genuen nagusikeria eta joera errepresiboa berretsi baino ez ditu egiten. Izan ere, jarrera erabat antidemokratiko eta autoritarioa hartu baitu berriz ere bere sinboloak guztioi ezartzeko, askatasuna eta adierazpen askatasuna kriminalizatuz".