Izaro abeslari bizkaitarrak Baluarten azaroaren 13an eskaini behar zuen kontzertua heldu den abenduaren 11ra atzeratzea erabaki da "COVID-19ren hedapena dela-eta Nafarroako Gobernuak abiarazitako murrizketen ondorioz eta Gobernuak Estatuan ezarritako alarma-egoera dela eta". Areto Nagusiko edukiera %100ean egongo ez delakoan, Izarok emanaldi bikoitza eskainiko du abenduaren 11n, arratsaldeko 19:30ean eta gaueko 22:00etan, aurreko kontzertuetarako sarrera eskuratu zuten pertsona guztiak aretoan hartu ahal izateko.
Aurreko emanaldietarako sarrerak data berrirako balio dute. Halere, abenduko hitzordura joan ezin duenak sarreraren zenbatekoaren itzulketa eskatu ahal du. Sarrerak internet bidez eskuratu dituztenek administracion@baluarte.com helbidera email bat bidali beharko dute eserlekuen kokalekua adieraziz; eta Baluarteko leihatiletan erositako sarreren kasuan, txarteldegian bertan sarrerak erakutsiz.
Bigarrenez atzeratu du Izarok disko berria aurkezteko Iruñean eskainiko duen kontzertua. Neurri berrietara egokituz, sarrera erosi duten guztiak hartzeko, bi emanaldi eginen ditu egun berean Baluarten.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!