Aurten, COVID-19 izurriteagatik, aurreko urteetan baino eskari txikiagoa izan da haur eskoletan eta hainbat hutsune geratu dira bete gabe. Horregatik zabaldu da berriz ere matrikulazio epea.
Haur eskola euskaldunen aldeko plataformatik euskarazko plazak betetzera deitu dituzte herritarrak. Aurretik itxaron zerrendan gelditu edo gertuko eskaintzarik ez edukita etsituta erderara jo zuten gurasoei egin diete dei berezia. Gogoratu dute, ez ohiko deialdi honetan ez dagoela baremaziorik: Eskaerak iristen diren heinean joanen dira hutsuneak osatzen.
Matrikula 4 hilabete beteta duten umeetatik aurrerakoentzako egin daiteke. Haur Eskolak Euskaraz taldeak azaldu duenez, Izartegi eskolan ditikoen talde bakarra sortu dute eta ez dute bigarrena sortzeko intentziorik, eskaera ez dagoela argudiatuz. Murgiltze eredua duen bakarra denez, garrantzitsua deritzote interesa duten gurasoek matrikula egitea, bigarren taldearekin euskarazko beste hamar plaza lortu daitezkeelako.
