2016ko urriaren 25ean hil zen Elhadji Ndiaye Espainiako Poliziaren polizia etxean, Arrotxapea auzoan atxiloketua izan ondoren. Haren heriotzaren nondik norakoak ez dira oraindik argitu, baina, hala ere, kasua ikertzeaz arduratzen den epaitegiak artxibatu egin zuen, "arrazoi naturalengatik" hil zela iritzita.
Africa United eta Flor de Africa elkarteek elkarretaratzea egingo dute igandean, 12:00etan, Iruñeko Baluarte plazan, Elhadji Ndiaye gogoratzeko eta justizia eskatzeko.