Landabengo Volkswagenen lantokian lanuzteak deitu dituzte ostiral honetarako, beren lan osasuna mutuen esku izan ez dadin. Pasa den irailaren 9an, Volkswagengo enpresa batzordeak, kontingentzia arrunten kudeaketa mutuekin ez kontratatzeko eskatu egin zuen. Denek eman zuten aldeko bozka, UGT eta Comisiones Obreras izan ezik, abstenitu egin zirela. Gaur, zuzendaritzak aurrera egiten duela ikusita, mobilizazioak deitu dituzte. Argi dute, "esku pribatuetan lan osasuna uztea" ez dela inorentzako mesedegarri.
Volkswagenen zuzendaritzak dionez, absentismoa murrizteko aitzakiarekin kontratatu da mutuaren kudeaketa. Sindikatuak ez daude ados. Absentismoarekin kezka dute, baina irtenbidea ez da esku pribatuek zelatatzea langileen osasuna. Absentismoari heldu nahi baldin bazaio, lan zamak, lan erritmoak eta baita lantaldearen adinari erreparatu behar zaiola defendatu dute.
Ostiral honetan, landabengo lantokiko txanda bakoitzean, bi orduko lanuztea egitera dei egin dituzte ELA, LAB eta CGT sindikatuek langile guztiak. Azkenik, politika arlora ere begiratu dute eta "mutuen lege bidegabe eta diskriminatzailea" indargabetzeko eskatu diete alderdi guztiei.