Iruñeko alkate Enrique Maiaren ustez herritar asko "suminduta" daude hiriko sarreretan aurreko legegintzaldian ezarri ziren kartelekin, "eraso sexistei buruz hitz egitea baita Iruñeaz jasotzen den lehen irudia". EH Bilduk kritikatu ostean alkateak kartel horiek "ezabatzeko estrategia ezkutua" duela, Maiak adierazi du, ez duela kartelak kentzeko erabakirik hartu: "Automatikoki ulertu da kartel horiek kenduko ditudala, baina nik ez dut esan ezer kenduko dudanik". Alkatearen iritziz, "Iruñeko hiritarrarentzat gaindituta dago Iruñea eraso sexistarik gabeko hiria dela dioten kartelak jarri behar izatea", izan ere, "gauza askotatik libre dago".