Abereh kantautoreak kontzertua emango du gaur Geltokiren SZnatoki zikloan

Erik Berganza, Abereh.

SZnatoki izeneko jaialdia antolatu du Geltoki guneak uda honetan. Uztailaren 24tik hasi eta ostiralero kontzertu akustiko bat eskaini du; gaur izango da azkenekoa.

Elsa kantautoreak ireki zuen programa, Llecaleros taldeko kideek lagunduta. Haren hatzetik heldu zen Guarimba taldea. Ondoren, Dj Reimy & Nctmbls izan zen; haren ostean, Fly Malo, eta iragan ostiralean, berriz, Leizeak talde iruindarrak emango du kontzertua. Jaialdia ixteko, Abereh kantautorea arituko da gaur.

Abereh Erik Berganza Balmasedako abeslariaren bakarkako proiektua da. Berganza Estricalla taldean aritu da, bestak beste, eta ondoren bakarkako bideari ekin dio Abereh proiektuarekin. Hiru disko kaleratu ditu, azkenekoa iaz, Bonberea Ekintzak diskoetxearekin, Laino eta belatz artean izenekoa.

Egitasmoarekin, bertako artistei bultzada eman eta, aldi berean, iruindarrei musikaz gozatzeko aukera eskaini nahi die Geltoki guneak.