Beste urrats bat eman dute Siemens Gamesa enpresako Agoizko lantegiko langileek ekainean abiatutako borrokan. San Lorenzo elizan itxialdia eta baraualdia eginen dute 25 langilek, gaurtik hasita hogeita lau orduz. Siemens Gamesako zuzendaritzarekin bildu zen atzo enpresa batzordea, eta ditzala lantegiko jarduerari eustera bideratutako balizko aukerak aztertzeko eskatu zion berriro.
Kontsulta aldia luzatu nahi dute langileek, baina enpresak ukatu egin die aukera hori. Aurreikusitako epea beteko dutela agindu du zuzendaritzak. Langileek, dena den, ez direla geldituko berretsi dute. Ainara Lizarraga: "Ez dugu etsiko bidegabekeria honen aurrean".
Duela hilabete iragarri zuen Siemens Gamesak Agoizko lantegia itxiko duela, merkatuaren eskariei erantzuteko gai ez den lantegia dela argudiatuta. Langileek, ordea, uste dute inbertsio txiki batekin planta enpresak dituen beharretara moldatu daitekeela. 239 langile ditu enpresak Agoitzen.
Bihar itxialdia amaitzean Nafarroako Parlamentura joanen dira langileak lantegia ixtearen aurka bildu dituzten sinadurak erregistratzeko.
