Joan den larunbatean amaitu zen Mendillorriko 17 eta 28 urte bitarteko biztanleen Covid-19rako baheketa-izaera duen osasun publikoko jarduera. Kalkuluen arabera, ostegunetik egun horretara arte 1.044 gazte igaro ziren Nafarroako Osasun Zerbitzuak Mendillorri BHIn jarri zituen instalazioetatik. Horiei, gainera, aurreko egunetan egindako PCRak gehitu behar zaizkie, arakatzaileen taldeak egindako jarraipen eta control sistemaren barruan, Iruñeko auzo horretako gazteei nabarmen eragin dien agerraldiari dagokionez.
Zifra horien arabera, Mendillorriko 2.300 gazteen ia %60k PCR bidezko Covid-19rako diagnostiko proba bat egin dute. Osasun Departamentuak positiboki baloratu du erantzun hori, kontuan hartuta, gainera, oporraldi garaian auzo horretako biztanleriaren zati bat falta izan daitekeela. Santos Indurain Osasun sailburuak aurkeztuko ditu datuak, bihar parlamentuan egingo duten agerraldian.