“Ikuskizun mediatikoa eta kriminalizazioa” salatu dute Mendillorriko gazte eta auzolagunek

Auzoko zerbait gazte eta bizilagunek gaur egin duten agerraldia.

“Zenbait medioren erasoak pairatzen ari gara, gezurretan eta albiste faltsuetan oinarrituta”, adierazi dute prentsaurreko batean. Arduraz jokatzera ere dei egin dute. 

Mendillorriko zenbait gazte eta bizilagunek agerraldia egin dute gaur goizean auzoan, koronabirusaren agerraldiaren ondorioz pairatzen ari diren “kriminalizazioa” salatzeko. Pankarta bat ere zabaldu dute, Utzi auzoa bakean, ez gara zuen zirkua zioena.

Mendillorriren alde lan egiten dutenak “nekatuta eta nazkatuta” daudela adierazi dute: “Gazteok arduraz jokatu dugu, wassap taldeak osatuz, autokonfinamendua ezarriz geure buruari…”. Arduraz jokatu dutela nabarmendu dute, eta arduraz jokatzen jarraitzeko deia egin dute, gazteria osoari dei eginez, PCR proba egitera. 

Bigarren fasera atzera egin izana eta ekitaldi eta jarduera oro debekatu izana “iritzi publikoari begira” hartutako neurriak direla uste dute, eta eragin gutxi izango dutela, auzoa “jadanik borondatez itxita” baietzegoen. 

Erlazionatuak

Elisa Uharte: "Asko eskertzen diogu osasun departamentuari PCRak auzoan egiteko egindako esfortzua"

Iruñea

Mendillorriko gazten gurasoek, gizarte eragileek eta elkarteek bat egin dute gazteen salaketarekin. Gazteen gurasoetako bat da Elisa Uharte.
Eneko: "Gehiegizkoa da: kaltetu nagusiak gu gara eta horri komunikabideek gaia lantzeko izan duten modua gehitu behar izan diogu"

Iruñea

Mendillorri auzoaren irudi faltsu bat zabaldu dela salatu dute gazteek. Nekatuta daudela aitortu digu Enekok.