Nafarroako Gobernuak PCR probak egingo dizkie gaur arratsaldetik aurrera 17 eta 28 urte bitarteko gazte guztiei auzo horretan, agerraldia jasan dutenen %93 baitira. 2.400 bat gazte lirateke.
Santos Indurain Nafarroako Gobernuko Osasun kontseilariak prentsaurrekoan adierazi duenez, "egoera epidemiologikoak eta egungo errealitateak Nafarroan birusaren transmisioa ahalik eta gehien murrizteko neurri osagarriak hartzea gomendatzen dute".
Hala, azaldu duenez, foru agindu bat sinatuko du, Iruñeko Udalarekin kontsultatuta, Mendillorri bigarren fasera itzul dadin, eta edukiera %50era murriztuko du ostalaritza, txikizkako merkataritza edo kultu aretoen barruan.