Errefuxiatuek bizi duten itxialdia salatu dute asteburuan

Euskalerria Irratia 2020ko eka. 22a, 08:29

Errefuxiatuen Mundu Egunean, Iruñea Harrera Hiriak giza katea egin du entzierroaren monumentutik Espainiako Gobernuak Iruñean duen Ordezkaritzaraino, milioika pertsona beren etxeetatik lekualdatzen ari direla salatzeko.

Iruñea Harrera Hiriak giza katea egin zuen larunbatean, errefuxiatuek bizi duten egoeraz ohartarazteko. Orreaga kaleko entzierroaren monumentutik Espainiako Gobernuaren ordezkaritzaraino pertsona errefuxiatuek jasan behar dituzten itxialdi egoerak salatu dituzte. "Deliturik egin gabeko itxialdi behartuak; itxialdiak mugetan, egun haientzako itxita baitaude; itxialdiak etxebizitzetan, gela bakarrean zortzi pertsona bizi direlako; edota Aquarius ontzian izandako itxialdia", azaldu dute.

Zenbait herrialdeetan errefuxiatuek bizi duten egoera izkutatzen dela ere salatu du Iruñea Harrera Hiriak eta arrazakeria AEBtik harago ematen dela gogorarazi nahi izan dute: "Hemen ere badira egin behar duten bide burokratikoarengatik itota arnastu ezin bizi diren errefuxiatuak".

EUSKALERRIA IRRATIAzale hori:

FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.

Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.

Izan ere, zenbat eta komunitate handiagoa, orduan eta proiektu komunikatibo eraginkorragoa.


Bazkidetu zaitez!