Auzoek ez dute ekitaldirik antolatuko uztailaren 6an

Euskalerria Irratia 2020ko eka. 16a, 09:21

Auzoetako jai batzordeak atzo bildu ziren eta uztailaren 6rako ekitaldirik ez antolatzea erabaki zuten; Iruñeko Udalak egindako eskaera "arduragabekeria" dela uste dute, eta azalpenak eskatu dizkiote.

Iruñerriko auzoetako Jai Batzordeek udalak egindako eskaintzari jaramonik ez egitea erabaki zuten atzo; izan ere, udalak azken asteetan txupinazoaren egunean jarduerak prestatzera gonbidatu ditu auzoak, baimena izango dutela hitzemanda.

Auzoak plataforman batu diren hamalau auzoetako ordezkariak atzo batzartu ziren egoera horri aurre egiteko, eta "harrigarritzat" jo zuten proposamena; batetik, haiekin harremanetan jartzeko moduengatik — udaltzaingoaren deiaren bidez —; eta, bestetik, funtsagatik, ekitaldiak prestatzeko eskatzen baitzaie, udalak berak erabaki zuenean jaiak bertan behera uztea eta pilaketak eragingo dituen edozein ekintza baztertzea. "Arduragabekeriatzat" hartu dute; eta ondorioz, ezer ez egitea erabaki dute.

EUSKALERRIA IRRATIAzale hori:

FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.

Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.

Izan ere, zenbat eta komunitate handiagoa, orduan eta proiektu komunikatibo eraginkorragoa.


Bazkidetu zaitez!