Uztailaren 6an hiriko kaleetan gerta daitekeenaren beldur, Iruñeko Udalak mezu bat helarazi nahi izan zien atzo herritarrei, pandemiari eusteko bidean lortutako aurrerapausoak arriskuan jar ditzaketen jokabideak saihesteko eta osasun arloko gomendioei eusteko. Adierazpen instituzional baten bidez egin zuen, lau udal taldeen sinadurarekin: Sanferminen egunetan jarduerarik ez egiteko eskatu zuten LehendakaritzaBatzordean.
Navarra Sumak, EH Bilduk, PSNk eta Geroa Baik adierazpen bateratua sinatu zuten. Horren arabera, Iruñeko Udalak erabaki du "ez bultzatzea, ez eta laguntzea ere, Sanferminen egunetan jendea pilatzea dakarten jarduerarik edo ekimenik, gaixotasuna berriro sortzea ekar dezakeenik".
Bestalde, adierazpenak joan den asteburuan Mendillorrin izandako gertakaria errefusatzen duen puntu bat ere jaso zuen.
