Elhadji Ndiaye gogoratu dute Arrotxapea auzoan

Euskalerria Irratia 2020ko eka. 5a, 11:56

Estatu Batuetan, George Floyden heriotzarengatik piztutako arrazakeriaren kontrako protesten harira, Iruñean ere, antzeko kasu bat izan zela gogorarazi dute Africa United eta Sortuk. Poliziak Ndiaye atxilotu zuen tokian lore eskaintza egin dute.

2016ko urrian gertatu zen, Iruñeko Arrotxapea auzoan. Espainiako poliziek Elhadji Ndiaye gazte beltza atxilotu eta lurrean mugitu ezinik mantendu zuten. 15 minutuz egon ziren horrela, komisaldegira, jadanik konorterik gabe eraman zuten arte. Bertan hil egin zen. Oraindik ez da gertatutakoa argitu.

George Floyd, Estatu Batuetan hildako gazte beltzaren kasuak berpiztu du Ndiaye-ren oroitzapena. Africa United eta Sortuk deituta, hainbat pertsona bildu dira Marcelo Celayeta kalean. Lore eskaintza eginda, lurrean belaunikatu eta ukabilak altxatu dituzte, egunotan, protesten ikur bihurtu den keinua eginez.

Modou Fayek, Africa Unitedek “Estatu Batuetan bezala, hemen ere poliziak beltzak hiltzen ditu”. Bizitza guztiek garrantzia dute azpimarratuz, “lege arrazista eta inhumano guztiekin amaitzeko borrokatuko dugu” aldarrikatu du Sortuko Ainhoa Urrutiak.

EUSKALERRIA IRRATIAzale hori:

FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.

Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.

Izan ere, zenbat eta komunitate handiagoa, orduan eta proiektu komunikatibo eraginkorragoa.


Bazkidetu zaitez!