Larunbat honetan, ekainaren 6an, berriz ere ospatuko da Iruñeko EKOmerkatua, Nafarroako ekoizle ekologikoen merkatua, hirugarrenez. Hitzordua Geltokin izango da, Iruñeko autobus geltoki zaharreko leihatiletan, 9:30etik 14:00etara. Hestebete ekologikoak, pasta, gereziak, olioa, eztia, garagardoa, lekaleak, behi, ardi eta ahuntz gaztak, esnekiak, ardoa, marmeladak, arrautzak eta udako boilurra aurkitu ahal izango dira.
Geltokik Iruñeko EKOmerkatua hartuko du berriro, merkatuaren hileroko izaera berreskuratuz, Nafarroako hiriburuko udalak Autobus Geltoki Zaharreko nasak erabiltzeko oniritzia eman arte. Bien bitartean, EKOmerkatua Iruñeko Autobus Geltoki Zaharreko leihatila-gunean egingo da.
EKOmerkatuko hanazazpi ekoizleek ekoizpen ekologikoa publikoari hurbiltzen jarraitu ahal izango dute, eta, horrela, ekologikoki ziurtatutako elikagaiak eskuratu ahal izango dituzte zuzenean landa eremutik merkatura eta hortik etxera.
EKOmerkatuak aukera ematen du, eta horixe da bere aukera nagusietako bat, Nafarroako ekoizle txikiek zuzenean eta bitartekaririk gabe ekoitzi eta egindako elikagai osasungarri eta ekologikoak eskuratzeko; ez soilik in situ erosi ahal izateko, baita ezagutzera emateko ere, oso kalitate handiko produktuak baitira.
Aurreko edizioan bezala, Oliveto kondearen etorbidetik sartuko da EKOmerkatura, handik Autobus Geltoki Zaharreko leihatila-gunera, eta aurreko EKOmerkatuan hartutako neurriei eutsiko die, erosketa segurtasunez egin ahal izateko. "Elkar zaintzen dugu, lurra zaintzen dugu” da martxan jartzeko lemaren oinarria.
EKOtopaketa
EKOmerkatuak EKOtopaketa berreskuratu du oraingoan, baina beste formatu batean. Zuzeneko eskola magistrala izan beharrean, errezeta-bideo bat egingo da, eta bertara EKOmerkatuaren www.ekomercado.org web orritik eta Nafarroa Ekologikoko Youtubeko kanaletik eta sare sozialetatik sartu ahal izango da.
Oraingo honetan, Ekollaondoko ahuntz ekologikoko jogurtezko bizkotxo integral bat proposatzen da Casa Paulinako, marrubiekin eta mugurdi-marmeladarekin, Pau López Katakrakeko sukaldariak egina. Osagaiak Geltokin erosi ahal izango dira, EKOmerkatuan zein denda ekologikoan, bideoa ikusten dutenek errezeta etxean prestatu ahal izateko.
EKOMERKATUKO ekoizleak
Honako ekoizle hauek izango dira EKOmerkatuan:
• Domiña, Betizuko hestebeteak.
• Esther Montero. Gereziak.
• Martinelli. Pasta
• La Corraliza de Don Pablo. Oliba-olio birjina estra.
• El Bordón. Hestebeteak.
• Erlan. Eztia.
• Axuribeltz. Gaztak.
• Bagordi. Ardoak.
• Larre arkumea. Bildots txilindrona.
• Larrezabal eco. Gaztak.
Casa Paulina. Marmeladak.
• Azpea upeltegiak. Ardoak.
• Jauregia. Gaztak eta esnekiak.
• Ekollaondo. Gaztak, ahuntz-jogurta eta arrautzak.
Trufaren Museoa. Udako boilurra.
• Aranda ekologikoak. Oliba-olio birjina estra.
• Elkea. Oliba-olio birjina estra, lekaleak eta garagardoa.