AZ Ekimena bat dator Sarasate pasealekua oinezkoentzat zabaltzearekin, baina udalaren komunikazio falta kritikatu du

Euskalerria Irratia 2020ko mai. 21a, 12:16

Iruñeko Udalak erabakiak Mugikortasun taldeari helarazteko orduan izandako "komunikazio falta" kritikatu du: “Alde Zaharreko bizilagunen iritziei bozgorailu bat jarriko zien parte-hartze prozesu bat izan behar zuen”.

Alde Zaharra Ekimenak balorazio positiboa egin du Sarasate pasealekuaren zati bat oinezkoentzat egokitzearen inguruan; izan ere, Aldi Zaharretik hurbilen dagoen pasealekuaren iparraldeko galtzada itxi dute, oinezkoentzako eta txirrindularientzako gune hori irabazita.

Hala ere, Iruñeko Udalak erabakiak Mugikortasun taldeari helarazteko orduan izandako "komunikazio falta" kritikatu du: “Alde Zaharreko bizilagunen iritziei bozgorailu bat jarriko zien parte-hartze prozesu bat izan behar zuen”.

Bestalde, “hiri-garraioa auzoko bizilagunei barne-garraioaren bidez hurbiltzeko" beharra azpimarratu du kolektiboak. "Izan ere, Sarasate iparraldea oinezkoentzat jartzeak pixka bat gehiago urruntzen gaitu villavesen geltokietatik".

Era berean, Corralilloen aparkalekua 1. eta 8. eremuetako egoiliarrekin partekatzeko eskatu du. Ildo horretatik, jarduera ekonomikotik itzultzean, Corralilloseko aparkalekuak 8. eremuko ibilgailuekin gaur egun duen okupazio eskasa agerian geratu dela adierazi du, eta hori "aparkaleku hori 1. zonako egoiliarrei irekitzeko aukera argia" dela; izan ere, horientzat Anelier pasealekuaren ondoan esleitutakoa baino gertuago dago.

AZ Ekimenak, azkenik, udalarekin bilera bat egin nahi duela adierazi du, "gai horien eta, oro har, mugikortasunaren agendaren inguruko elkarrizketarako eta informaziorako gunea izan dadin".

 

EUSKALERRIA IRRATIAzale hori:

FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.

Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.

Izan ere, zenbat eta komunitate handiagoa, orduan eta proiektu komunikatibo eraginkorragoa.


Bazkidetu zaitez!

Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!