Alde Zaharreko Jai Batzordeak, osasun larrialdia dela eta, Alde Zaharreko egun ohiko bat ez antolatzea erabaki du. Dena den, "auzokide guztiak ikusarazi eta batuko dituen" ekintza bat proposatu dute: "Denon argazkiekin osatutako mural handi bat eratzea. Ez dugu nahi inork huts egiterik". Argazkiak lehen planoan egitea eskatu dute eta fondo txuri batekin. 647 487 108 telefonora edota azjaiak@gmail.com helbidera bidali behar dira, maiatzaren 23a baino lehen.
"Hilabete hauetan, hainbeste gauza egin dugu, banaka zein modu kolektiboan, ezen ezin baitugu ukatu barnea betetzen digun sentimendua: harrotasuna. Maiatzaren 30ean kalera atera nahiko genuke harrotasun hori, eta auzokide guztiak ikusarazi", adierazi dute ohar bidez.