Iruñeko Udalak 31 udal langile ditu gaur egun koronabirusak kutsatuta, gehienak Udaltzaingoak. Bost kasu zenbatu dituzte gizarte zerbitzuetako langileen artean; zehazki, etxez etxeko arreta zerbitzuko bi langile eta auzo unitateetako hiru langile, Maria Caballero Udaleko Gizarte Zerbitzuetako, Gizarte Ekintzako eta Kiroletako zinegotzi delegatuak astelehenean emandako datuen arabera.
Era berean, Covid-19ren bi kasu positibo daude etxerik gabeko pertsonak edo gizarte-larrialdiko egoeran daudenak hartzeko prestatutako aterpetxeetan, eta hirugarren pertsona bat ere kutsatuta egongo da, sintomak baititu.
Caballerok ohartarazi du "kasu gehiago edukiz gero arazoa" litzatekeela "haiek eramateko tokirik ez badugu", eta espero izan du Nafarroako Gobernuak jada martxan jartzea Fuerte del Príncipe egoitza, gaixo horiek bakartzeko.
Babes ekipamenduei dagokienez, etxez etxeko arretako langileentzat, zinegotziak nabarmendu duenez, "nabes-maila hobetuz eta bermatuz joan gara, segurtasun-ekipamendu handiagoa lortzean". Eta Udalak material gehiago jasotzeko zain dagoela nabarmendu du.
Azaldu du, gainera, babes ekipamenduetarako 15.000 euro baino gehiago inbertitu dira etxez etxeko laguntza-zerbitzuan, proba diagnostikoetan profesionalak kontuan hartzea lehenetsi da eta maskarak egitea bultzatu dute.
