Enrique Maiak eskatu zuen Espainiako Armadaren esku hartzea

Euskalerria Irratia 2020ko api. 6a, 09:37
Deskargatu Info Ahotsak :

Iruñeko kaleak hartu zituen Espainiako Armadak ostiralean. Udaltzaingoan dauden bajak direla eta, segurtasun lanetan laguntza eskatu zion Iruñeko alkateak Espainiako Gobernuaren Nafarroako ordezkaritzari. 

Espainiako Armadak Iruñeko alde zaharreko kaleak hartu zituen ostiralean eta armadak emandako laguntza eskertu du Iruñeko Udalak. Enrique Maia alkateak berak eskatu zuen Espainiako Armadaren esku hartzea. Espainiako Gobernuak Nafarroan duen ordezkaritzari gutuna bidali zion, Iruñeko Udaltzaingoari segurtasun lanetan laguntza eskatuz. Gaur egun, 20 agente daude bajan positibo eman dutelako.

Ostiralean berrogeita hamar bat militarrek parte hartu zuten Iruñeko kaleetako patruilan. Udalak azaldu duenez hiru zituzten zereginak:

  • Mugikortasun mugei dagokienez araudia betetzen dela egiaztatu
  • Udal zerbitzuen zaintzan lagundu
  • Gizarte baliabideak martxan jartzeko materialen horniketa lagundu 
Gizartea Iruñea

EUSKALERRIA IRRATIAzale hori:

FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.

Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.

Izan ere, zenbat eta komunitate handiagoa, orduan eta proiektu komunikatibo eraginkorragoa.


Bazkidetu zaitez!
Tokikom logotipoa
Gertuko informazioa, euskaraz
Tokikom publizitatea