Iruñeko Udaltzaingoak lan egitera irten behar duten pertsonei gomendatzu die hori egiaztatzen duen enpresa ziurtagiria eramatea, araudiak horretara behartzen ez badu ere. Hala, azpimarratu dutenez, izapideak arindu daitezke, besteak beste hiriko sarreretan zabaldu diren trafiko kontrol ugarietako batean geldituz gero.
Dokumentu hori behar bezala beteta eta enpresak sinatuta eta zigilatuta eramateak kontrol horiek errazago eta azkarrago pasatzea ahalbidetuko du.
Lan-arrazoiengatiko joan-etorrien banakako ziurtagiri horrek enpresaren eta langilearen datuak jaso behar ditu, baita lantokiaren kokapena eta lanaldiaren ohiko ordutegia ere.
Dokumentuaren eredua
Iruñeko Udalaren webgunean dokumentu horren eredu bat jarri dute, enpresak erabil dezaketeena. Pdf editagarri bat da, eta lotura honetan deskargatu daiteke, eta www.pamplona.es/coronavirus webgunean ere dago eskuragarri.
