La Polla, Su Ta Gar edo ta Los Chicos del Maiz taldeen zaletuek koronabirusaren krisia bukatu arte itxaron beharko dute beren musikaz zuzenean gozatzeko. Bertan behera geratu da, datorren astean Iruñean egitekoa zen Iruña Rock jaialdia. 27.000 ikusle espero ziren Nafarroa Arenan, horietatik %40a Araba, Bizkaia eta Gipuzkoatik etorriak. Jende pilaketak eta ekimen jendetsuak bertan behera uztea gomendatu du Espainiako Osasun ministerioak eta horregatik atzeratu da Iruñeko jaialdia. Erabakia atzo arratsaldean hartu zen Nafarroako Gobernuko sail guztiak elkartu zituen bilera batean, koronabirusaren aurrean neurriak ikertzeko.
Jaialdiaren antolatzaileak lanean dira, jaialdirako data berria bilatzen.