Cuatrovientos inguruan kontrola galdu eta bi lagun harrapatu dituen ibilgailuko gidariak, positibo eman du droga proban, eta, gainera, gidabaimena kenduta dauka puntuak galtzeagatik, Iruñeko Udaltzaingoak jakinarazi duenez.
Ezbeharra atzo 17:41 aldera gertatu zen, oinezkoak Gipuzkoa etorbidean, Trenbide kalearen parean, zihoazenean. Cuatroventoseko bidegurutzerantz zihoan gidari batek ibilgailuaren kontrola galdu eta espaloian gora egin zuen bi oinezkoak, gizon bat eta emakume bat, harrapatuz.
Biak larri zauritu dira, eta anbulantzia medikalizatuetan eraman dituzte Nafarroako Ospitalera.
Harrapaketaren ostean, ibilgailuaren gidariak Cuatrovientos zubian kontrako noranzkoan zihoan beste auto batekin talka egin du.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.