Alde Zaharreko eta zabalguneetako bizilagunek aparkatzeko dituzten arazoei heldu nahi die Iruñeko Udalak. Otsailaren 15etik aurrera, 21:00etatik 9:00etara, Baluarteko eta Zuria Nafarroakoa (Blanca de Navarra) plazako lurpeko aparkalekuak erabili ahalko dituzte euro baten truke. Ordutegi horretatik kanpo, ohiko tarifa kobratuko zaie.
Momentuz, ekainerarte ezarriko da zerbitzua froga moduan.Egun, Baluarten 900 aparkatzeko toki daude eta beste 277 Blanca de Navarrako parkingean.
Honetaz gain, Iruñeko Udalak, Trinitarioseko aparkalekuko plazak hirukoiztuko ditu. Gaur egun 170 leku daude eta 500etara iritsiko da, parean duen orubea horretarako erabiliz. Iruñeko Udalak gogorarazi duenez, Trinitarioseko aparkalekua doakoa da eta gainera, hiriko erdigunera gerturatzeko garraio publikoarendako txartelak ere doakoak dira bertatik.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.