50 bizilagun bildu ziren atzo arratsaldean Manuel Turrillas parkean, apustu etxeen kontra deituta zegoen lehendabiziko auzo batzarrera. Guztien artean, joko aretoen kontrako kanpaina abian jartzea adostu zuten, Azpilagañan zabaltzear den apustu etxe berriaren harira. Atzoko saioan azaldu zutenez, Buenaventura Iñiguez kalean, Aragon tabernaren aurrean, joko aretoa irekiko da aurki, “Azken egunotan makinak sartu dituzte jadanik beraz bere irekiera berehalakoa ematen du” azaldu zuten bizilagunek. Ostiralean manifestazioa eginen dute auzoko karriketan lokal honen kontra eta bere irekierak suposatuko dituen arriskuen aurka.
Modu honetan, Azpilagañak bat egiten du apustu etxeen kontra Txantrean, Sanduzelain, Etxabakoitz, Donibanen, Berriozarren, Sarrigurenen edo ta Uharten martxan jarri diren herritar plataformekin.