Aurreko legegintzaldian aldaketaren laukoteak eta PSNk adostutako egitasmoak jarraitu eta bukatzeko lau esparrutan proposatu dituzte inbertsioak: auzoen garapena, berdintasuna, aldaketa klimatikoa eta kultura zein memoriari zuzendutakoak. Zerrendari erreparatuta, 47 proiektuen artean San Frantzisko kalearen peatonalizazioa, Pio XXII.aren amabilizazioaren egonkortzea, Askatasunaren plazaren erorien eraikinaren gaineko erabakia edo ta eskola publikoetako jolastokien berritze eta modernizazioa topa daiteke.
Oposizioko beste alderdiekin adostu eta geroxeago proposatuko diote Udal Gobernu taldeari, nahiz eta eskuinarekin akordiorik lortzea zail ikusten duen indar abertzaleak. Maiaren taldeak ezetz esanen balu, enmendakin moduan aurrera ateratzea aurreikusten du EH Bilduk.
