Nafarroako bi taxilariri eraso egin zieten Errege gauean. Kasuetako batean, taxilariak arma zuriz hainbat zauri izan zituen eskuan eta sorbaldan, bildutako dirua lapurtzea galarazten saiatzean. Gertakari horiengatik adingabe bat atxilotu dute.
Elkarteak ohar batean azaldu duenez, erasoak "gidariek eta zentraleko langileek asteburuko gauetan jasaten dituzten eraso fisiko eta hitzezkoei" gehitu behar zaizkie.
Gertakari horien aurrean, herritarren eta segurtasun-indarren laguntza eskertu du, "lan handia egin dutelako eta azkar jokatu dutelako". Gainera, Nafarroako herrietako gremioko ordezkariek ordutegi eta data jakin batzuetan (herriko jaietan, adibidez) jasaten dituzten jarrera bortitzengatik kezka agertu dute.
Aurreratu dutenez, Berta Miranda Nafarroako Gobernuko Garraio zuzendariak proposatuta, datorren astean bilera bat izango da departamentu horrekin, Herrizaingo Sailarekin eta Iruñerriko Mankomunitatearekin, segurtasun neurriak nola hobetu aztertzeko.
Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!