Iruñeko Udalak Olentzero hartuko du gaur, abenduaren 24arekin, 19: 30 aldera. Ekitaldian Enrique Maia Iruñeko alkateak parte hartuko du, Udalbatzako kideekin batera.
Udaletxera iristean, La Pamplonesa musika bandak koadrodun zapi handia jarriko dio ikazkinari. Oihalak 'Ayuntamiento de Pamplona, Iruñeko Udala, Olentzero 2019' esaldia du brodatua. Jesus Garisoain bandako zuzendariordea arduratuko dena zapia jartzeaz.
Era horretan, Iruñeko Udalak urteko azken omenaldia eskaini nahi izan dio 2019an mendeurrena ospatzen aritu den La Pamplonesa musika bandari. Hamabi hilabete hauetan jasotako errekonozimenduen artean dago, besteak beste, Iruñeko herritarrek aukeratu izana txupinazoa botatzeko edo Arrosadia auzoan dagoen hiriko plaza bati izena emateko.
Olentzeroren desfilea 18:00etan hasiko da Iturralde eta Suit kaleetan, eta handik Gonzalez Tablas, Paulino Caballero, Cortes de Navarra, Carlos III, Gaztelu plaza, Txapitela, Calceteros, Udaletxe plaza, Mercaderes, Estafeta eta Amaia kaleetan zehar ibiliko dira.