LGTBIQ+ kolektiboak kalera atera eta Iruñeko Udalak 'Harrotu' gunea kamustu nahi duela salatu ondoren, oharra kaleratu du Enrique Maiaren udal gobernuak. "Iruñeko Udalak harrotu zerbitzuari eutsiko dio LGTBI kolektiboen parte-hartzea babestu eta sustatzeko, Nafarroako Gobernuak 2020. urtearen hasieratik arreta, aholkularitza eta informazio zerbitzuak bere gain hartzen dituenean". Kolektiboek salatu bezala, gunea aldatu nahi du udalak. "Biztanleentzako elkarte eta erreferentzia gune gisa" mantendu eta "kolektiboen laguntza jarduerak" garatuko dituela adierazi du. Kontratu berri bat eginen du horretarako.
Kattalingune eta Harrotu zentroek zerbitzu berdina eskaintzen dutela adierazi du, eta legeak ez duela bikoizketarik onartzen.