Ostegunean eman zuen txostenaren berri Kontuen Ganberak, eta gaur horren balorazioa egin du Iruñeko Udalak. Iruñeko Udalaren finantza-egoera 2018ko abenduaren 31n “egonkor eta onbideratuta" dagoela ondorioztatu du ganberak, baina horri aipamen labur bat egin diote Ana Elizalde Gobernu Estrategiko, Merkataritza eta Turismoko zinegotzi ordezkariak eta Maria Echávarri Zerbitzu Orokorretako zinegotziak. Txostenean azaltzen diren 18 irregulartasunetan jarri du arreta Enrique Maia Iruñeko alkatearen udalak.
Udalak agiri bat prestatu du, non irregulartasun horiek aztertu eta azaldu dituen, "udalaren kudeaketan duten edo hemendik aurrera izan dezaketen garrantzia islatzeko".
