Kultura eta iraunkortasun ekonomikoan proiektu onena saria eskuratu du Geltokik, 948 Merkatuan

Geltoki proiektuko arduradunak, Maria Txibite Nafarroako presidentearekin.

Geltoki, Issues eta Fuga. Exploraciones sonoras izan dira saridunak 948 Merkatuaren, Nafarroako Arteen Merkatua eta Profesionalen Topagunearen, edizio honetako kultur proiektu onena gisa.

Zehazki, Geltoki proiektuak Kultura eta Iraunkortasun ekonomikoaren kategorian eskuratu du saria; Issues proiektuak, berriz, Kultura eta Gizartea kategorian; eta, azkenik, Fuga. Exploraciones sonoras proiektuak Kultura eta Berrikuntza modalitatean.

948 Merkatuko aurtengo edizioan 30 erakustaldi artistiko baino gehiago programatu dira, guztiak diziplina artekoak eta profesionalentzat zein publiko orokorrarentzat irekiak, Baluarten, Gayarre Antzokian, Nafarroako Antzerki Eskolan, Zentral Aretoan eta Walden Libreria Café aretoan.