'Txarriboda' antzezlana, bihar, Iturramako civivoxean

Euskalerria Irratia 2019ko aza. 21a, 14:07

Antzerki Aroa zikloaren barruan emango dute Hika Teatro konpainiaren ikuskizuna. Kabaret kontakizun "basati, lotsagabe eta gordina" da.

Hika Teatroaren Txarriboda antzezlana izango da Antzerki Aroaren azkenaurreko hitzordua. Bihar emango dute, 20:00etan, Iturramako civivoxean. Agurtzane Intxaurraga da egile eta zuzendaria, eta antzezleak, berriz, Sandra Fernandez Agirre, Patxi Gonzalez, Iñigo Aranbarri, Kepa Errasti, Juanjo Otero eta Iñaki Maruri dira.

Kabaret kontakizun "basati, lotsagabe eta gordina" da, non itxurak zein jakinduriak "araua hausteko" bide ematen baitu. Mireiak eta Imanolek ezkongai bikote "perfektua" osatzen dute: "Zorionaren irudia" dira. Ezkondu egin dira, eta Patxi Bilbaok, emaztegaiaren aitak eta Ipertrolako handi-mandiak, antolatu du ospakizun gala. Festa itzela.“Gaur txerrien antzera, jan, edan eta dantza egitea nahi dut!”. Hitz horiekin egingo die harrera gonbidatuei.

Sarrerek hiru euroko prezioa dute, eta Iturramako civivoxeko leihatilan edo webgunean eskuratu daitezke.

EUSKALERRIA IRRATIAzale hori:

FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.

Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.

Izan ere, zenbat eta komunitate handiagoa, orduan eta proiektu komunikatibo eraginkorragoa.


Bazkidetu zaitez!