Iruñeko Udaltzaingoak 22 gidariri salaketa jarri die asteburu honetan, baimendutakoa baino alkohol tasa altuagoarekin gidatzeagatik.
Gainera, beste hiru gidari ere salatu dituzte Nafarroako hiriburuan drogak hartuta gidatzeagatik, eta beste bi gidariri eginbide judizialak ireki dizkiete edari alkoholdunen eraginpean gidatzeagatik.
Asteburuan Udaltzaingoko patruilek hamasei istripu artatu dituzte. Gehienetan kalte materialak besterik ez dira egon.