Plan Orokorreko zein Barne Erreformarako Planginzta Bereziko aldaketak onartu zituzten atzo, datorren osoko bilkuran bozka –eta aurreikuspen guztien arabera onar– ditzaten.
Turistifikazioari aurre egiteko, duela bi urte lizentzia turistikoetan luzamendua ezarri zuten. Aldaketok luzamendu horren amaiera ekarriko dute. Eta amaiera horrek bidea libre utziko dio Unzu Hostelari, hau da, Mercaderes kalean 277 lagunentzako hostel-a zabaltzeko proiektuari.
Hotelei eta hostel-ei dagokienez, ez da gutxieneko distantziarik egon beharko haien artean. Hori bai, gehienez etxadi bakoitzaren %25 okupatu ahal izanen dituzte hotelek eta hostel-ek. Eta horrek bidea libre uzten dio Unzu Hostela-ri. Formulazio hori urtarrilaren 10ean onartu zuen udalbatzak, UPNren eta Geroa Bairen aldeko botoekin, eta PSNren abstentzioarekin.
Pisu turistikoei dagokienez, ezinen da halakorik izan lehen solairuetan. Eta atari bakoitzeko pisu edo pentsio bat besterik ezinen da izan.