Borra luzagarriak erretiratu egin zituen Joseba Asironen udal gobernu taldeak, joan den legealdian, udaltzain gehienentzat. Motorzaleentzako eta kalez jantzitakoentzako mantendu zituen soilik. Atzo, Herritarren Segurtasuneko zinegotzi ordezkari berriak, Navarra Sumako Javier Labairuk, esan zuen erabaki hori oinarritzeko txosten teknikorik ez zegoela. Haatik, bi txosten egin zituzten, erabakia hartu aurretik.
Kontua da Labairuk borra luzagarriak berreskuratu dituela, udaltzain guztientzat. Atzo EH Bilduko zinegotzi Eva Arangurenek galdetu zion ea erabaki horren gibelean txosten teknikorik ba ote zegoen. Eta Labairuk erantzun zuen erabakia, joan den legealdian bezala, txosten teknikorik gabe hartu dela.