Etxabe barrutik ateratzen zen kiratsak jarri zituen zelatan bizilagunak. Hauek jarri zuten lehendabiziko salaketa. Animalien defentsarako elkarteek ere eskatu zuten poliziaren parte hartzea, lokalaren barruan izan zitezkeen animalien egoeraz kezkatuta. Iruñeko Udaleko Ingurugiro eta Zoonosi zerbitzuko kideak bertaratu zirenean ezin zuten sinetsi topatutakoa. Etxabe txiki batean, giro arnasezin batean, 53 katu, 4 txakur, 3 untxi eta triku bat aurkitu zituzten.Oso egoera kaxkarrean ziren, gehienak gaixo. Animalien Zaintzarako Udalaren gunera eraman zituzten gehienak. Batzuen egoera zela eta, albaitariarengana eraman behar izan zituzten zuzenean analisi eta sendagaien bila.
Iruñeko Udaleko Ingurugiro eta Zoonosi zerbitzuko kideak, udaltzainen laguntzarekin Arrosadia auzoko Elortz ibaia kaleko lokal batean topatu dituzte animaliak. Baldintza osasungaitzean ziren guztiak, zabor, zikinkeria eta amoniako artean zeuden pilatuta. Etxabearen jabeei expedientea ireki die Iruñeko Udalak.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!