Ehunka ikaslek bat egin ditu bizikleta gainean mugikortasun astearen festarekin. Eskola, ikastola eta ikastetxe ezberdinetatik Iruñeko erdiguneraino gerturatu dira bizikletaz. Sarasate Pasealekuan festa egin dute, mugikortasun ordenantzaren arauak ezagutu eta hirian barna mugitzeko bide ezberdinak marraztu dituzte mapa erraldoian.
Sarasate Pasealekua bizikletez bete da gaur goizean. Iruñeko auzo ezberdinetatik ikasle tropelak ailegatu dira pedalen gainean hiriaren erdiguneraino. Bidegorri eta kale ezberdinetatik iritsi dira. Mugikortasunaren astearen barruko ekimena izan da. Ikastetxe ezberdinetako ikasleak batu, hirian barna nola mugitu ikus eta ikas zezaten. Ez dira faltatu trafiko ikurrak ikasteko jolasak eta Iruñeko bidegorri ezberdinak ezagutzeko mapak.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.