Iruñeko Udaleko Twitter kontua hackeatu dute

Txio batean, udalaren kontu ofizialetik, adierazi dute "ustelkeriagatik" hackeatu dutela kontua. "Laster denak eroriko dira".

Iruñeko Udalko Twitter kontua hackeatu dute, 11:30ak inguruan. Txio batekin ohartarazi dute: "Ustelkeriagatik hackeatuta izan da kontu hau". Profil irudia aldatu dute, baita kontuaren dekribapena ere.

Hainbat mezu idatzi dituzte gazteleraz. Enrique Maia alkatearen argazki bat publikatu dute, hura hiltzeko, eskatuz. "Hil ezazue putakume hau, edo gosea pasa dezala, jakin dezala zer den kalean bizitzea edo pistola bat buruan jarrita lapurreta jasatea. Herritarrek egunero bizi duten egoeretako bat gutxienez bizi dezala".

Valentziako Udalaren kontua atzo hackeatua izan zela gogorarazi dute Iruñeko Udalaren kontutik. "Laster guztiak" eroriko direla mehatxu egin dute. Azken txio batean, Iruñeko Udalaren kontuari buruzko IP informazioa zabaldu dute.