Sanfermin irisgarriagoak eta denon gozamenerako nahi ditu CERMI-k, pertsona ezinduen eragileen batzordeak. Urtero urtero hainbat proposamen eta gomendio jartzen dituzte mahai gainean, mendekotasuna duten pertsonek ere festetako esparru guztietara hel daitezen. Honela, Miserikordia etxea txalotu dute, zezen plazan kolektiboarendako gune berezia prestatzeagatik eta aurten Nafarroa Oinez txokoaren jarrera eredutzat jarri du CERMI-k, beren barra gurpildun aulkian dauden pertsonendako egokitua den bakarra zelako.
Baina oraindik ere badira hobetzeko hainbat puntu, festa irisgarria izan dadin. Pertsona ezinduendako bainu publikoak,garbiketaka materialaren biltoki moduan erabiltzea edo ta azken urteotan segurtasunagatik hainbat kale mozteko erabilitako porlanezko hesiak salatu ditu CERMI-k.
Programazioan ere, gurpildun aulkiendako zonalde prestatu gehiago eskatu dituzte, Sarasateko eskenatokiaren parean edo ta prozesioaren ibilbidean bertan. Aurten ere, sanferminetako mahaian parte hartuko du CERMI-k aldarrikapen eta eskakizun hauek plazaratzeko.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!